Presidenti Ilir Meta ka vlerësuar me titullin e lartë ‘Mjeshtër i Madh’, profesorin e matematikës dhe aktivistin shoqëror Xhorxhi Vasili.
Në një shënim në mediat sociale Meta nënvizon Vasili është një qytetar model dhe intelektual, i cili reflekton edukatë, kulturë, patriotizëm, profesionalizëm, përkushtim dhe pasion për progresin shoqëror.
‘Në vlerësim të kontributit dhe angazhimit të shquar në mësimdhënie dhe jetën publike, për cilësitë e spikatura pedagogjike në edukimin e brezave të rinj dhe për aftësitë e veçanta drejtuese e organizuese të dëshmuara në arsimin sarandjot, i akordova Profesorit të nderuar të matematikës dhe aktivistit shoqëror, Xhorxhi Vasili, Titullin e lartë "Mjeshtër i Madh".
Një qytetar dhe intelektual model, i cili reflekton edukatë, kulturë, patriotizëm, profesionalizëm, përkushtim dhe pasion për progresin shoqëror, ndihmesa e tij për zhvillimin cilësor të arsimit shqiptar qëndron pas çdo suksesi të studentëve sarandjotë, që shkëlqejnë me karrierat e tyre në çdo fushë të jetës.’- shkruan Meta.
M.Q./ReportTv.al
